Әлі кеш болмай тұрғанда Жаратқан Иеге бет бұрып, мойынсұныңдар! Иеміз құлақ салуға дайын тұрған осы кезде Оған сиынып жалбарыныңдар!
Ишая 55:6
Жүрек - өте маңызды. Осыны бізге айтып-түсіндіріп жатудың керектігінің өзі біздің өзімізге тиісті өмірден қаншалықты алшақтап кеткенімізді көрсетеді. Киелі кітапта жүрек тақырыбы туралы басқа тақырыптарға қарағанда, ол ізгі істер болсын, сенім не мойынсұну болсын, ақша болсын, тіпті мадақтаудың өзінен көбірек айтылады. Мүмкін Құдай біз ұмытқан бірдеңені білетін шығар? Бірақ әрине, қалғандардың бәрі де жүрек туралы айтады.
Інжір ағашы Киелі Жазбада өте жиі кездеседі. Пальма сияқты осы жеміс те Құдайдың ақ батасына кенелген өмірді білдіреді. Ізгі хабарларда Иеміз інжірді бірнеше рет ауызға алады, онда Ол пайдалы және пайдасыз адамдарды меңзейді (Лұқа 13:6-7). «Оны кесіп таста, ол босқа орын алып тұр» (7-аят).
Жаратқан Ие бізге алыстан аян беріп былай деген еді: "Сендерге деген сүйіспеншілігім мәңгілік, берік мейірімділігіммен сендерді Өзіме тарттым" (Еремия 31:3).
Ер адам болсын, не әйел адам болсын, Исаның ілімімен бетпе-бет кезіккенде жиі былай дейді: «Мен нағыз Исаның жолын қуушы болғым-ақ келеді, бірақ қанша тырыссам да бұл қолымнан келмейді. Өйткені көп қателіктер жасаймын, бұрынғыдай өкпелеймін, еліктірілуіме жол беремін, айтпауға тиістіні айтып қоямын. Қысқасы, ешқашан Иса сияқты өмір сүре алмаймын».
Иса туып-өскен Назарет қаласының қасында Наин деген әдемі, кішкене қала бар, бұл еврей тілінен аударғанда «ұнамды, сүйкімді» деген мағынаны білдіреді. Бүгінгі күні де Наин қаласы сол көне қаланың орнында, үйлер бұрынғыдай Галилей төбесіне қарай созылып салынған... Қаланың кіре берісіне жақын жердегі басты көшенің астынан археологтар қала қақпасының қалдықтарын тапқан. Ал таудың оң жақ етегінде көне молалардың орны бар.
Бұл тақырып ауыр өмірлік сынақтарды: бақытсыздық, ауруға шалдығу, кәріліктің уайымы немесе жалғыз бастылық, қасірет шегу немесе сәтсіздікке ұшырау, күйзеліс немесе басқа да өмірлік қақтығыстарды бастарынан кешіріп жатқан адамдарға арналған. Біздің өміріміз бір кезде өзіміз жоғалтып алған Құдайға ұқсастыққа қайтадан қол жеткізуі тиіс. Ал бұған қасірет шекпей қол жеткізуге болмайды. Қолында осыған қажетті мөрі бар шебер - тірі Құдай.
Құдай барлығына құтқарылуды рақымымен береді. Бұл Құдайдың жай төлемсіз беретін сыйы. Құдайдың осы тегін сыйын өмірімізде қолдану үшін оны қабылдау керекпіз. Мәсіх бізді құтқару үшін жанын қиғандығын білеміз деп қол қусырып отырмауымыз керек, қайта Құдай құтқарылуды берген екен деп, Құдайдың сол әрекетіне жауап беруіміз керек.
Құдай қайда? Құдайдың бар екенін дәлелдей аласыз ба? Әлдекім былай айта алады: «маған Құдайды көрсетіңізші» - бірақ, егер Құдай – көзге көрінбейтін, жасырынып тұрған болса ше? Қағаз бетінде екі адам тұр деп көз алдыңызға елестетіңізші. Осы адамдар – екі көлемді, олардың биіктігі мен ұзындығы бар, бірақ тереңдігі, көлемі жоқ, әрі қағаз – олардың шегі. Олар сізді көре ала ма? Жоқ. Олар тек қағаздағы нәрсені ғана көре алады.
Құдай бар ма? Құдайдың бар екендігі туралы әлдекімнің ең болмағанда бір рет болса да куәлік бергенін қаламайсыз ба? Ешқандай да «қолыңызды арқаңызға қайыру» болмайды. Сонымен қатар, «Сіз тек сенуіңіз керек» деген сияқты сөз де болмайды. Біз тек Құдайдың бар екендігін растайтын негізді сізге ұсынғымыз келеді. Алайда, келесі нәрселерге назар аударыңыз. Адам Құдайдың бар екендігінің мүмкіндігін теріске шығарған жағдайда, кез келген дәлел қабылданбауы мүмкін.
